Marso 31, 2022

Ebanghelyo: Juan 5:31-47

“Kung nagpapatunay ako sa aking sarili, di mapang -hahawakan ang aking patunay. Ngunit iba ang nagpapatu-nay tungkol sa akin at alam kong mapang-hahawakan ang patunay niya tungkol sa akin. Nagpasugo kayo kay Juan at binigyang-patunay niya ang katotohanan. Ipinaaalaala ko ito para maligtas kayo; ngunit hindi ko hangad ang patunay mula sa tao. Siya nga ang ilaw na may sindi at nagniningn-ing, at ginusto n’yong magalak pansamantala sa kanyang liwanag.

“May patunay naman ako na higit pa kaysa kay Juan – ang mga gawang bigay sa akin ng Ama upang tuparin ko ang mga iyon. Ang mga gawa mismong ginagawa ko ang nagpapatunay na sinugo ako ng Ama.

“At nagpapatunay rin sa akin ang Amang nagsugo sa akin. Kailanma’y di ninyo narinig ang kanyang tinig ni nakita ang kanyang anyo. At hindi rin namamalagi sa inyo ang kanyang salita dahil hindi kayo naniniwala sa kanyang sinugo.

Sinasaliksik ninyo ang mga Kasulatan dahil inaakala ninyong doon kayo magkakaroon ng buhay magpa kailan-man. Nagpapatunay nga sa akin ang mga iyon ngunit ayaw n’yong lumapit sa akin para mabuhay.

Hindi ko hangad ang papuri mula sa mga tao, ngunit kilala ko kayo: wala sa inyong sarili ang pagmamahal sa Diyos. Sa ngalan ng aking Ama ako dumating at hindi n’yo ako tinatanggap; kung sakaling may dumating sa sarili niyang ngalan, siya ang inyong tatanggapin. Paano kayo makapaniniwala kung papuri sa isa’t isa ang hangad n’yo at hindi ang papuring galing sa tanging Diyos ang hangad?

Huwag n’yong akalain na ako ang magsasakdal laban sa inyo sa harap ng Ama. Si Moises ang nagsasakdal laban sa inyo, siya na inyong inaasahan. Kung pinaniwalaan nga ninyo si Moises, paniniwalaan din sana ninyo ako sapagkat tungkol sa akin siya nagsulat. Ngunit kung hindi n’yo paniniwalaan ang kanyang mga sinulat, paano n’yo paniniwalaan ang aking mga pananalita?

Pagninilay

Kahit ano pa ang sabihin ni Jesus, hindi na bukas sa kan-yang mga salita at mensahe ang mga Hudyo. Napagpasyahan na nila kung sino siya at malaking hadlang sa kanilang pang-unawa ang katanyagan ng kanyang panga-lan, na tila ay nakikipagkompetensya sa kanila.

Minsan, ganyan din tayo sa mga salita ng Diyos. Madaling maging bukas sa mensahe ni Jesus kapag ang buhay natin ay mabuti. Kung tayo ay masaya at payapa, mala-mang na malulugod tayo kay Jesus. Pero, kung ang buhay ay mahirap o masakit, malamang na hindi tayo masisiyahan sa balitang hatid niya.

Sa mga panahong ito, kailangan nating panatilihing bukas ang ating mga isipan at puso kay Jesus. Sa ha lip, alalahanin natin na lumalakad kasama natin si Jesus, ginagabayan tayo, kahit na sa panahong hindi natin siya naiintindihan. Hingin natin ang grasya na lagi tayong bukas sa kanyang mga salita sa kabila ng mga hamon sa ating pananampalataya.

© Copyright Pang Araw-Araw 2022