Ebanghelyo: Lucas 9:28b-36
Mga walong araw pagkasabi ni Jesus ng mga salitang ito, isinama niya sina Pedro, Juan at Jaime at umahon sa bundok para manalangin. At habang siya’y nananalangin, nagbago ang anyo ng kanyang mukha at puting-puting nagningning ang kanyang damit. May dalawang lalaki ring nakikipag-usap sa kanya, sina Moises at Elias.
bundok para manalangin. At habang siya’y nananalangin, nagbago ang anyo ng kanyang mukha at puting-puting nagningning ang kanyang damit. May dalawang lalaki ring nakikipag-usap sa kanya, sina Moises at Elias.
Napakita sila sa kaluwalhatian at pinag-uusapan nila ang paglisan ni Jesus na malapit nang maganap sa Jerusalem. Antok na antok naman si Pedro at ang kanyang mga kasama pero pagkagising nila, nakita nila ang kanyang kaluwalhatian at ang dalawang lalaking nakatayong kasama niya.
Nang papalayo na ang mga iyon kay Jesus, sinabi ni Pedro sa kanya: “Guro, mabuti at narito tayo; gagawa kami ng tatlong kubol, isa sa iyo, isa kay Moises at isa kay Elias.” Hindi niya alam ang kanyang sinasabi. Nagsasalita pa siya nang may ulap na lumilim sa kanila; at natakot sila pagpasok nila sa ulap. At narinig mula sa ulap ang salitang ito: “Ito ang aking Anak, ang Hinirang; pakinggan ninyo siya.”
Pagkasalita ng tinig, nag-iisang nakita si Jesus. Nang mga araw na iyon, sinarili nila ito at walang sinabi kaninuman tungkol sa nakita nila.
Pagninilay
Katulad ng mga alagad, hilingin natin sa Diyos na ipakita rin sa atin ang Kanyang kaningningan o ang dapat na asamin natin
– ang makita ang Diyos sa langit. Ipinagkaloob ito sa mga alagad,
hilingin din natin na ipagkaloob sa atin. Patuloy pa rin namang ginagawa ito ni Jesus hanggang ngayon. Nangyayari iyan sa tuwing nagdiriwang tayo ng Banal na Misa. Ang Tinapay ay nagiging Katawan at ang alak ay nagiging Dugo ni Jesus. Pero karamihan sa atin ay ordinaryo pa rin ang nakikita. Marahil sadyang hindi pa tayo handang tingnan si Jesus na nasa anyo ng tinapay at alak. Madalas pa nga hindi natin Siya tinatanggap. Inaanyayahan Niya tayo lagi. Tayo lang naman ang ayaw tumanggap sa Kanyang imbitasyon dahil masyadong nakatuon ang ating isip sa ibang bagay. Hindi pa tayo interesado na makita si Jesus. Ganun pa man, ang pagdiriwang na ito ay isang bagay na dapat nating panghawakan. Anumang kadiliman ang kinalalagyan natin. Sa dulo nito ay may liwanag tayong makikita. Tayong lahat ay inaanyayahan tungo sa ganap na pagbabago.
© Copyright Pang Araw-Araw 2022
