Ebanghelyo: Marcos 13:33-37
Mag-ingat kayo at magpuyat: hindi nga ninyo alam kung kailan ang oras. Ipag palagay natin na nangi ngi bang-bayan ang isang tao. Iniiwan niya ang kanyang bahay at ipinagkakatiwala ang lahat sa kanyang mga utu san. May kanya-kanya silang tung kulin at inutusan niyang mag bantay ang bantay-pinto. Kaya magbantay kayo sa pag kat hindi ninyo alam ang oras ng pag dating ng may-ari, kung hapon o hating-gabi o ma dalingaraw. At baka bigla siyang du mating, at madatnan kayong natutulog. Kaya sinasabi ko rin sa lahat ang sinasabi kong ito sa inyo: Magbantay.”
Pagninilay
Sinisimulan sa Simbahan ang bagong liturhiya ng taon ngayong unang Linggo sa panahon ng Adbiyento. Naglalaan ng apat ng Linggo sa liturhiya ng Simbahan bilang paghahanda para sa pag-alaala sa araw ng kapanganakan ni Jesus. Sa ganitong paghahanda, sa unang pagdating ni Jesus sa mundo, atin ding ihanda ang Kanyang ikalawang pagdating sapagkat hindi natin nababatid kung kailan ito magaganap. Sa Ebanghelyo, tinuturuan tayo ni Jesus kung ano ang dapat nating gawin sa paghihintay at paghahanda. Tulad sa mga katiwala ng bahay, kinakailangang maging handa ang tahanan sa pagdating ng may-ari nito. Mahalaga ang paglilinis upang sa pagdating ng may-ari ay makita niyang nakaayos ito anumang oras. Samakatuwid, ang panahon ng Adbiyento ay panahon rin sa paglilinis ng ating sarili sa pamamagitan ng pagsisisi at paghingi ng tawad sa ating mga kamalian. Nakasanayan na sa Simbahan ang pagbibigay ng mga Advent Recollection at sakramento sa Kumpisal sa panahon ng Adbyeno. Ito’y bilang paghahanda sa ating sarili at pagbabalik-loob sa Diyos at kapwa tao. Sa unang pagbasa, kinilala ng mga Israelita ang kanilang pagkamakasalanan, na sila’y karapatdapat parusahan. Gayunpaman, sila’y umaasa at naghihintay sa Mesiyas na magdadala ng kaligtasan sa kanila. Ganito rin ang katangian na dapat nating matamo ngayong panahon ng Adbiyento. Tayo ay magtiwala kay Jesus, ang Mesiyas – na tagapagkaloob sa biyaya ng Espiritu Santo. Nang sa gayon, manatili tayong handa sa pagdating at pakikibahagi sa kapurihan ni Kristo.
© Copyright Pang Araw-Araw 2023