Ebanghelyo: Lucas 9:51-56
Nang papalapit na ang pana hon ng pag-aakyat sa kanya, tahasang ipinasya ni Jesus na pumunta sa Jeru salem. Nag padala siya ng mga sugo para mauna sa kanya at pumasok sila sa nayon ng mga Samaritano para ihan da ang kanyang matutuluyan. Pero ayaw nila siyang tanggapin dahil pa punta siya sa Jerusalem. Kaya sinabi sa kanya ng kanyang mga alagad na sina Jaime at Juan: “Panginoon, gusto mo bang tuma wag kami ng apoy na babagsak mula sa langit para puksain sila?” Lumingon si Jesus at pinag wikaan sila, at sa ibang bayan sila nag punta.
Pagninilay
May mga taong Simbahan na lumapit at nagsumbong sa pari tungkol sa mga namumuno sa ibang sekta na naninira sa Simbahan at nagtutungo sa mga tahanan para hikayatin ang mga Katoliko sa kanilang samahan. Napangiti ang pari at nagwika, “Huwag kayong makipagtalo o makipag-away. Kung pupunta sila sa inyong tahanan bilang tao, tanggapin Ninyo bilang tao. Kung mayroong malamig na tubig, painumin ninyo at kung merong maihahaing pagkain, pakainin ninyo. Kung hindi ninyo nais makinig sa kanilang mga sinasabi, sabihin ninyong mahinahon na mayroon pa kayong mga gawain upang hindi maabala. Ganyan ang dapat na tugon sa kanila bilang mga alagad ni Jesus.” Ang tunay na naniniwala kay Jesus ay mayroong kapayapaan sa kanyang puso at hindi naninirang-puri, hindi nakikipagtalo, at walang hinanakit. Para sa mga taong Simbahan, kahit mayroong mga kabiguan at tumatalikod, magtiwala lamang sa Panginoon at magpatuloy. Batid ng Diyos ang ating mga pagsusumikap at siya’y kasama natin sa paglalakbay.
© Copyright Pang Araw-Araw 2023