Ebanghelyo: Marcos 1:29-39
Pagkaalis ni Jesus sa sinagoga, tumuloy si Jesus sa bahay nina Pedro at Andres, kasama sina Jaime at Juan. Doo’y nakahiga ang biyenan ni Pedro at may lagnat, at agad nila itong sinabi kay Jesus. Kaya lumapit siya, hinawakan ito sa kamay at ibinangon. Iniwan ng lagnat ang babae at ito mismo ang naglingkod sa kanila. (…) Dinala nila kay Jesus ang lahat ng maysakit o inaalihan ng masasamang espiritu. Nasa may pintuan nga ang buong bayan. Maraming may iba’t ibang sakit ang pinagaling ni Jesus at maraming demonyo ang kanyang pinalayas ngunit hindi niya sila pinahintulutang magsalita pagkat alam nila kung sino siya. Kinabukasan, maaga siyang bumangon at umalis. Pumunta siya sa isang ilang na lugar at doon siya nanalangin. Hinanap siya nina Pedro, at pagkakita sa kanya ay kanilang sinabi: “Hinahanap ka ng lahat.” Ngunit sinabi niya sa kanila: “Tayo na sa ibang lugar, sa maliliit na karatig-nayon para makapangaral din ako roon; dahil dito kaya nga ako lumabas.” At naglibot siyang nangangaral sa kanilang mga sinagoga sa buong Galilea at nagpapalayas ng mga demonyo.
Pagninilay
“Ora et labora, Pray and Work” ay isang Benediktinong kasabihan na ipinasa sa lahat ng henerasyon ng mga Benediktino. Ngunit hindi ito orihinal kay San Benito. Ang kasabihang ito ay nagmula pa kay Jesus, na kanyang ipinakikita sa ebanghelyo ngayon. Matapos ang isang napakahirap na araw, nakakita si Jesus ng oras upang makapunta sa isang ilang na lugar upang manalangin. Ang panalangin ay hindi lamang pakikipag-usap sa Diyos, una at pinakamahalaga sa lahat ito ay pakikinig sa Diyos. Gaya na ang mga mobile phone ay nangangailangan i-recharge, tayo rin ay kailangang mare-energize ng Diyos. Ang panalangin ay nagbibigaydaan sa atin upang maisagawa ang misyon na ipinagkatiwala sa atin noong tayo’y binyagan.
© Copyright Pang Araw-Araw 2020
